Sý tapshylyǵyna baılanysty daqyl egilgen 7,8 myń gektar alqap zardap shekti

ASTANA. QazAqparat – Qyrǵyz Respýblıkasy jaǵynan sýdyń az aǵyp kelýine baılanysty Jambyl oblysynda shamamen 7,8 myń gektar zardap shekti. Úkimet otyrysynda baıandama jasaǵan Aýyl sharýashylyǵy mınıstri Erbol Qarashókeev osyndaı derekter keltirdi, dep habarlaıdy QazAqparat tilshisi.

«Qyrǵyz Respýblıkasy jaǵynan sýdyń az kelip túsýine baılanysty Jambyl oblysy ákimdiginiń aqparaty boıynsha shamamen 7,8 myń gektar zardap shekti. Onyń ishinde qant qyzylshasy sııaqty áleýmettik mańyzy bar daqyldyń alańy 1,2 myń gektardy quraıdy. Óńirlik aýqymda tótenshe jaǵdaı jarııalaý jáne fermerlerdiń shyǵyndaryn jabý, respýblıkalyq bıýdjetten sýbsıdııany tolyq kólemde jedeldetip tóleý jáne fermerlerdiń qaıtaratyn kredıtteriniń merzimderin uzartý boıynsha jumystar júrgizilýde», - dep baıandady Erbol Qarashókeev.

Sonymen qatar, mınıstr qurǵaqshylyqqa baılanysty dándi daqyldar alqabynyń 7,5 paıyzy nashar kúıde ekenin aıtty.