Sý tapshylyǵy: Ekologııa mınıstri egis alqaptarynyń ulǵaıýyna keıistik tanytty
«Túrkistan oblysy boıynsha sáýir aıynan bastap Shardara sý qoımasyna sý az kelip jatyr. Bıyldyń 1 sáýiri men 30 maýsymy aralyǵynda Shardara sý qoımasyna 2,23 mlrd tekshe metr sý kelýi tıis edi. Biraq is júzinde 1,291 mlrd tekshe metr (58%) sý tústi. Osy máseleni Ózbekstan jaǵymen qosymsha qarastyramyz», - dedi Z. Súleımenova.
Onyń aıtýynsha, Qazgıdromet pen Ýzgıdromettiń boljamy boıynsha vegetatsııalyq kezeńge Syrdarııa basseıni ózenderiniń sý deńgeıi normadan tómen dep eskerilgen. Osyǵan baılanysty Basseındik ınspektsııa Syrdarııa ózeninen egis alqaptaryna sý paıdalaný lımıti qysqartyldy.
«Túrkistan oblysynyń ákimdigine sý kóp jumsalatyn daqyldardy qysqartýdy, sondaı-aq Maqtaaral jáne Jetisaı aýdandarynda kúrish ekpeý týraly usynys berildi. Osyǵan qaramastan, bıyl Túrkistan oblysy boıynsha kúrish egý alańy 2022 jylmen salystyrǵanda 2,35 myń gektarǵa, ıaǵnı 1,5 myń gektardan 3,853 myń gektarǵa deıin ulǵaıtyldy. Bul rette, Jetisaı aýdanynda kúrish alqaby 5,5 ese, Maqtaaral aýdanynda 15 esege ulǵaıdy. Sonymen qatar maqta egistigi bastapqyda josparlanǵannan 5,29 myń gektarǵa, ıaǵnı 79,7 myń gektardan 84,990 myń gektarǵa deıin ulǵaıtyldy», - dedi mınıstr.
