Sý tapshy kezeńderde Astana sýsyz qalýy múmkin – Toqaev

ASTANA. QazAqparat – Sý tapshy kezeńderde Astana sýsyz qalýy múmkin. Bul týraly búgin elordany damytý máselelerine arnalǵan keńeste Prezıdent Qasym-Jomart Toqaev aıtty, dep habarlaıdy QazAqparat.

«Sýmen qamtýdyń rezervti kózderi boıynsha problema ózekti kúıinde qalyp otyr. Sý tapshy kezeńderde naqty qaýip týyndaýy yqtımal: qala sýsyz qalady.

Ekologııa mınıstrligine búgin qala ákimi aıtqan barlyq usynysty, sonyń ishinde Astana sý qoımasyn sýmen qamtamasyz etýdi ulǵaıtý boıynsha máselesin zerdeleý kerek. Sondaı-aq №3 sorǵy-fıltr stantsııasynyń jáne káriz-tazartý nysanynyń qurylystaryn tezdetý mańyzdy», - dedi Memleket basshysy.