Sý sportynan álem chempıonatyna qazaqstandyq tórt sportshy qatysady
ASTANA. QazAqparat – Japonııanyń Fýkýoka qalasynda 14 shildede bastalatyn sý sportynan álem chempıonatynda elimizdiń atynan tórt sportshy synǵa túsedi, dep habarlaıdy QazAqparat tilshisi.
Aıta keteıik, atalǵan sport túrinen álem chempıonaty Japonııanyń Fýkýoka qalasynda byltyr 13-29 mamyr aralyǵynda ótýi tıis bolatyn. Koronavırýs ınfektsııasyna baılanysty týrnır bıylǵy jyldyń shildesine aýystyrylǵan edi. Álemdik birinshilikke irikteý arnaıy biliktilik normatıvterin oryndaý arqyly júrgizildi. Nátıjesinde elimizdiń atynan dúbirli dodaǵa tórt júzýshi qatysýǵa múmkindik aldy.
El quramasy sapynda Ádilbek Mýsın 50, 100 metr batterflıaı ádisimen, 100 metr erkin ádispen júzýden jaryssa, Ksenııa Ignatova shalqalaı júzýde 50, 100, 200 metrde saıysqa túsedi.
Al, Dıana Tasjanova 800, 1500 metr erkin ádispen, Adelaıda Pchelıntseva 50, 100 metrov brass ádisimen baq synaıdy.
Álem chempıonatynda sý sporty boıynsha medaldar sýǵa sekirýden, kórkem júzý, sý doby jáne ashyq sýda júzýden ótkiziledi.
