Sý sportynan álem chempıonaty qaıda ótedi
NUR-SULTAN. QazAqparat - Sý sporty túrlerinen álem chempıonaty ótetin jańa qala belgili boldy, dep habarlaıdy QazAqparat tilshisi.
Aıta keteıik, osyǵan deıin atalǵan sport túrinen álem chempıonaty Japonııanyń Fýkýoka qalasynda 13-29 mamyr aralyǵynda ótýi tıis bolatyn. Alaıda, koronavırýst ınfektsııasyna baılanysty týrnır 2023 jyldyń shildesine aýystyrylǵan edi.
Alaıda, Halyqaralyq sý sporty túrleri federatsııasy álemdik dodany Fýkýokadan Býdapeshtke aýystyrý týrashy sheshim qabyldady. Osylaısha sý sporty túrlerinen álem chempıonaty Býdapeshtte ótetin boldy.
Aıta ketelik, Vengrııa astanasynda 2017 jylǵy álemdik doda ótken bolatyn.
Sý sporty túrlerinen álem chempıonatynda 1978 jyldan 1998 jylǵa deıin tórt jylda bir ret ótkiziletin. Keıin, ıaǵnı 2001 jyldan beri qaraı álemdik birinshiligi eki jylda bir ret ótip turady.
