SÝ SPORTY: Úmit kútken Balandın júldesiz qaldy
ASTANA. QazAqparat - Reseıdiń Qazan qalasynda sý sporty túrlerinen ótip jatqan álem chempıonatynda qazaqstandyq Dmıtrıı Balandın 100 metr qashyqtyqqa brass ádisimen júzýde tórtinshi oryn aldy.
Ázirge Qazaqstan quramasynyń qorjynynda birde-bir medal joq.
Qazaqstandyq jankúıerlerdiń bar úmiti Dmıtrıı Balandın edi. Ókinishke qaraı júldeli orynǵa synyq súıem jetpeı qaldy. Otandasymyz 100 metr qashyqtyqty 59,42 sekýndta baǵyndyryp, tórtinshi orynǵa turaqtady. Bas júldeni brıtanııalyq Adam Pıtı (58,52 s) ıelense, ekinshi oryndy ońtústikafrıkalyq Kemeron van der Býrg (58,59 s) jeńip aldy. Al úzdik úshtikti taǵy bir brıtanııalyq sportshy Ross Merdok (59,09 s) túıindedi.
Keshegi, ıaǵnı tamyzdyń 3 kúngi jalpy esep boıynsha Qytaı quramasy kósh bastap keledi. Olardyń enshisinde qazirge deıin 11 altyn, 9 kúmis, 4 qola medal bar. Ekinshi orynda jarys qojaıyndary tur. Olardyń qorjynynda ázirge 8 altyn, 4 kúmis, 1 qola medal. Al úzdik úshtikti 4 altyn 3 kúmis, 2 qola medal oljalaǵan AQSh komandasy qorytyndylap tur.
Esterińizge sala keteıik, Qazandaǵy álem chempıonaty 9 tamyzǵa deıin jalǵasady. Jarysqa álemniń 190 elinen 2400-ge jýyq sportshy qatysýda. Kúnsultan Otarbaı
