Sý sportynan Azııa chempıonatynda el qorjynyna eki medal tústi

ASTANA. KAZINFORM – Fılıppın eliniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynyń tórtinshi jarys kúninde Qazaqstan quramasynyń qorjyny taǵy 1 kúmis, 1 qola medalmen tolyqty. 

3 metrlik tuǵyrdan sýǵa sekirý saıysynda jerlesimiz Nazar Qojanov kúmis medal jeńip aldy. Ol keshe 1 metrlik tuǵyrdan sekirýde el qorjynyna kúmis medal salǵan bolatyn. Osylaısha búgin ekinshi kúmis júldesine qol jetkizdi. 

Sonymen qatar búgin V tobynda erler arasynda 200 metrge brass ádisimen júzýden el namysyn qorǵaǵan Arsen Qojahmetov qola júldeni qanjyǵasyna baılady.

Sýǵa sekirý. Erler. 3 m tuǵyr

1-oryn – Japonııa – 425.05 upaı

2-oryn – Qazaqstan – Nazar Qojanov – 414.10

3-oryn – Vetnam – 405.70

Júzý. Erler. V toby. 200 m brass

1-oryn – Gonkong – 2:11.20

2-oryn – Taıpeı – 2:15:34

3-oryn – Qazaqstan – Arsen Qojahmetov – 2:17.46