Sý sportynan Azııa chempıonaty: El qorjyny tórtinshi altynmen tolyqty
ASTANA. KAZINFORM – Fılıppın eliniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynyń ekinshi jarys kúni el qorjyny tórtinshi altyn medalmen tolyqty.
Atap aıtsaq, Dıana Jumaǵulova men Anabella Kochkına juby bıiktikten sýǵa sınhrondy sekirý saıysynda qarsylas shaq keltirmeı, jeńimpaz atandy. Jerlesterimiz 178.41 upaı enshiledi.
Bul atalǵan sportshylarymyzdyń Sary qurlyq dodasyndaǵy alǵashqy júldesi emes. Keshe, jarystyń alǵashqy kúni qos sportshymyz 3 metrlik tuǵyrdan sekirýde kúmis medal jeńip alǵan bolatyn.
Bıiktikten sýǵa sınhrondy sekirý saıysynda ekinshi oryndy Indonezııa (174.54 upaı) sportshylary ıelense, úshinshi oryndy enshilegen Gonkongtan kelgen sportshylar qanjyǵasyna baılady.
Esterińizge sala keteıik, keshe jarystyń alǵashqy kúniniń qorytyndysy boıynsha Qazaqstan quramasy jalpy 11 júlde jeńip alǵanyn jazǵan bolatynbyz.
