Sý sportynan Azııa chempıonaty: El qorjynyna ekinshi altyn medal tústi
ASTANA. KAZINFORM – Búgin Fılıppın eliniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynda el qorjynyna úsh medal tústi.
Atap aıtsaq, búgin sýǵa sekirý jarysynyń alǵashqy júldeleri sarapqa salyndy.
Sınhrondy sekirý baǵdarlamasynda 19 jastaǵy Dıana Jumaǵulova men 16 jasar Anabella Kochkına 187,53 upaı enshilep kúmis júldege ıe boldy.
Al 50 metrge shalqalaı júzýde otandasymyz Ksenııa Ignatova márege 28.94 sekýnd ýaqyt kórsetkishimen birinshi bolyp jetip, XI Azııa chempıony atandy.
Bul synda ekinshi orynǵa Qytaıdyń Taıpeıinen kelgen sportshy ıe bolsa, úzdik úshinshi orynǵa Taıland eliniń ókili ıelik etti.
Esterińizge sala keteıik, osyǵan deıin 100 metrge brass ádisimen júzýden jerlesimiz Adelaıda Pchelıntseva chempıon atanǵan bolatyn.
Jarysqa 45 memleketten 12-18 jas aralyǵyndaǵy jas sportshylar men eresekter qatysyp jatyr.
Azııa chempıonaty 26 aqpan men 9 naýryz aralyǵynda ótedi.
