Sý sporty túrleri federatsııasynyń ataýy ózgerdi
Búgin Almatyda Qazaqstan Sý sporty túrleri federatsııasynyń konferentsııasy ótip, atalǵan jıynda federatsııanyń ataýy «Kazakh Aquatics» bolyp ózgerdi, dep habarlaıdy Kazinform.
Federatsııanyń baspasóz qyzmeti atap ótkendeı, atalǵan uıymnyń ataýyn ózgertý – strategııalyq sheshimniń biri. Basty maqsaty – halyqaralyq qatynastardy nyǵaıtyp, sý sporty túrleriniń zamanaýı standarttarǵa saı bolýyna jol ashý. Federatsııanyń basshylyǵy uıymnyń tabysty damýyna jáne joǵary jetistikterge jetýi jolynda barlyq tarappen áriptestik ornatýǵa senimdilik bildirý.
Atalǵan jıynǵa aımaqtardaǵy ókilder, QR Týrızm jáne sport mınıstrligi janyndaǵy Qoǵamdyq keńes músheleri, sondaı-aq, Qazaqstan Ulttyq olımpıadalyq komıtetiniń músheleri qatysty.
Konferentsııa barysynda federatsııanyń prezıdenti men atqarýshy komıteti saılanyp, federatsııanyń sońǵy kezeńdegi qyzmeti men aldaǵy olımpıadalyq tsıkldegi josparlary taldandy.
Konferentsııada federatsııanyń prezıdenti qyzmetine Andreı Krıýkov biraýyzdan saılandy. Sonymen qatar federatsııa Atqarýshy komıtetiniń jańa quramy jasaqtaldy. Uıymnyń ózindik stılin reformalap, jańa erejelerdi engizip, qaýlylyq qujattardy jańartý turǵysynan da mańyzdy sheshimder qabyldandy.
Esterińizge sala keteıik, osyǵan deıin 2016 jylǵy Olımpıada oıyndarynyń jeńimpazy Dmıtrıı Balandın federatsııanyń vıtse-prezıdenti qyzmetine taǵaıyndalǵanyn jazǵan bolatynbyz.
