Sý sporty: Sportshylarymyz álem chempıonatynyń tuńǵysh altynyn jeńip aldy

ASTANA. KAZINFORM – Katar astanasy Dohada ótip jatqan sý sporty túrlerinen álem chempıonatynda Qazaqstan tarıhı altyn medal jeńip aldy.

QR Ulttyq olımpıadalyq komıteti málim etkendeı, Qazaqstan tarıhynda sý sporty túrlerinen álem chempıonatynda sportshylarymyz osy ýaqytqa deıin altyn medalǵa qol jetkize almaı kele jatqan. Búgin sportshylarymyz sol olqylyqtyń orynyn toltyryp, tarıhı júldege ıe boldy. Buǵan deıin Edýard Kım jekeleı synda qola júlde jeńip alǵan edi. 
Búgin, sınhrondy júzýden aralas juptyq synda óner kórsetken Edýard Kım men Nargıza Bolatova álem chempıony atandy. Olar 228.0050 upaı jınady.

Kúmis medaldi Qytaı quramasy, qolany Meksıka komandasy jeńip aldy.