Sý shyǵynyn azaıtýǵa arnalǵan nemis tehnologııasyn engizý jobasy ázirlenip jatyr
ASTANA. KAZINFORM – Sý resýrstary jáne ırrıgatsııa mınıstrligi men germanııalyq HUESKER kompanııasy sýarmaly sý shyǵynyn azaıtý úshin ırrıgatsııa kanaldarynda zamanaýı geotekstıl materıaldaryn engizý jobasyn ázirleýdi bastady.
— Biz Sý resýrstary jáne ırrıgatsııa mınıstrligimen jáne basqa da jergilikti seriktestermen sońǵy eki jyl boıy tyǵyz yntymaqtastyqta jumys istep kelemiz. Óz sheshimderimizdi usynyp, barlyq qajetti tekseristen óttik. Nátıjesinde Qazaqstanda pılottyq jobany sátti júzege asyrdyq. Qazirgi ýaqytta bizdiń gıdrotehnıkalyq qurylys salasyndaǵy tehnologııalarymyzdyń iri nysandarda da tıimdi qoldanylatynyn kórsetý maqsatynda aýqymdy jobany ázirlep jatyrmyz, — dedi HUESKER kompanııasynyń kommertsııalyq dırektory Stefan Vesthýs.
Eske sala keteıik, Jambyl oblysy Baızaq aýdanyndaǵy «Ótemis» kanalynda HUESKER kompanııasynyń INCOMAT geotekstıl materıaly negizinde pılottyq joba iske asyryldy. Materıal naqty jaǵdaılarda turaqty tıimdiligin kórsetti, bul sý shyǵynyn azaıtýǵa jáne sýdy basqarý sapasyn arttyrýǵa yqpal etti. Sondaı-aq pılottyq jobany odan ári keńeıtý jáne tehnologııany basqa kanaldardyń ýchaskelerinde engizý múmkindigi qarastyryla bastady.
Aıta ketelik Bozymbaev Sý resýrstary mınıstrligine sýdyń «qara naryǵyn» joıý is-sharalary josparyn ázirleýdi tapsyryp edi.