Sý shaıyp ketken joldardyń jartysynan kóbi qalpyna keltirildi
ASTANA. QazAqparat - Qazaqstannyń 6 oblysynda tasqyn sý joldardyń 168 ýchaskesin (25,210 shaqyrym) shaıyp ketken. Bul týraly QR IIM Tótenshe jaǵdaılar komıtetiniń resmı ókili Rýslan Imanqulov málim etti.
«Respýblıkamyzdyń alty oblysynda avtomobıl joldarynyń 168 ýchaskesin (25,210 shaqyrym) tasyǵan sý zaqymdaǵan bolatyn, onyń 112 (16,468 shaqyrym) qalpyna keltirildi», - deıdi ol.
Ótken táýlikte «Astana-Qorǵaljyn-Shubarkól» avtojolynda qozǵalys qalpyna keltirildi. «Kıevka-Jaraspaı» avtojol ýchaskesinde sý júrý toqtady. Qaraǵandy oblysy Abaı aýdanynda Kóksý aýlynda jáne Taszaımka kentinde avtojoldardy sý basyp jatyr.
Sý basqan aýmaqtan erigen qar sýyn soryp shyǵarǵannyń arqasynda, qazirgi ýaqytta 2 434 sý basqan úıdiń 2 213-inen sý shyǵaryldy. Búgingi kúni 13 387 turǵyn óz úılerine oraldy. Tasqyn kezeńiniń basynan bastap barlyǵy 16 171 adam evakýatsııalandy. Tasqynǵa qarsy is-sharalarǵa 6 463 adam jumyldyrylyp, 7 404 birlik tehnıka, 154 sý sorǵysh qural, 113 júzý quraly tartyldy.
