Sý shaıyp ketken Saryózek -Úshtóbe temirjol ýchaskisinde qaza tapqan eki jumysshynyń ólimine qatysty qylmystyq iz qozǵaldy
ASTANA. Naýryzdyń 15-i. QazAqparat - Osydan tórt kún buryn Saryózek -Úshtóbe ýchaskesinde (Aınabulaq-Taýarasy ótkeli) tolassyz jaýǵan jańbyr men erigen qardyń sýymen shaıylyp ketken temirjol boılarynda baılanys jelilerin jóndeý barysynda mert bolǵan eki jumysshynyń ólimi boıynsha prokýratýra qylmystyq iz qozǵady,
dep habarlaıdy QazAqparat Bas prokýratýranyń baspasóz qyzmetine silteme jasap.
Buǵan deıin habarlanǵandaı, naýryzdyń 11-i kúni Saryózek -Úshtóbe ýchaskesindegi bolat joldardyń topyraǵyn sý shaıyp ketýine baılanysty bul baǵyttaǵy qozǵalystar shekteldi. Qazirgi ýaqytta Aınabulaq jol dıstantsııasynyń jumysshylary tótenshe jaǵdaıdyń zardaptaryn joıýmen aınalysýda.
Sondaı-aq osy kúni erigen qardyń mol sýymen «Taýarasy-Maıtóbe» bóliginde (1465-shi shaqyrym) magıstraldi baılanys jelisiniń úzilýi boldy. Jelini qalpyna keltirýge Almaty jol dıstantsııasynyń bes qyzmetkeri jiberildi. Alaıda, naýryzdyń 12-si kúni saǵat 01.45-te atalmysh bólikte sel júrip, bes jumysshynyń ekeýi topyraq úıindisiniń astynda qalyp qoıǵan. Olardyń biriniń máıiti sol kúni Byjy ózeniniń jaǵasynda tabyldy. Joǵalǵan ekinshi adamnyń denesin izdep-tabý jedel toptyń kómeginiń nátıjesinde múmkin boldy.
«Naýryzdyń 12-si kúni atalmysh fakti boıynsha Taldyqorǵan qalasynyń kólik prokýrory QR Qylmystyq kodeksiniń 152-shi baby, 2-shi bóligine sáıkes (eńbek qaýipsizdigi erejelerin buzý) qylmystyq is qozǵady. Іstiń mán-jaıyn anyqtaý Úshtóbe stansysyndaǵy Jelilik ishki ister bólimine tapsyryldy. Al qylmystyq izge túsý organyna shuǵyl tergeý amaldaryn júzege asyrý týraly tapsyrma berildi», - dep atap ótti baspasóz qyzmetinen.
