Sý shaıyp ketken Saryózek -Úshtóbe, Taýarasy - Maıtóbe temirjol ýchaskelerinde bir jumysshy mert boldy, taǵy biri iz-tússiz joǵalyp otyr
ASTANA. Naýryzdyń 13-i. QazAqparat - Almaty oblysy Saryózek -Úshtóbe, Taýarasy - Maıtóbe ýchaskilerinde sýmen shaıylyp ketken temir joldardyń boıynda baılanys jelilerin qalpyna keltirý jumystaryn júrgizý barysynda bir adam mert boldy, taǵy bir jumysshy iz-tússiz joǵalyp otyr,
dep habarlady Tótenshe jaǵdaılar mınıstrliginen.
Buǵan deıin habarlanǵandaı, naýryzdyń 11-i kúni túngi saǵat 3-te erigen qardyń mol sýymen Saryózek -Úshtóbe, Taýarasy - Maıtóbe ýchaskelerindegi bolat joldardy sý shaıý qaýpi týyndaýyna baılanysty, atalmysh baǵyttar boıynsha poıyzdardyń qozǵalystary toqtatylǵan bolatyn. Osy kúni keshke qalpyna keltirý jumystary aıaqtalyp, temirjol kólikteri baǵyttaryn jalǵastyrdy.
Alaıda, Tótenshe jaǵdaılar mınıstrliginiń búgin taratqan aqparatyna sáıkes, temirjol ýchaskesiniń 1461-shi shaqyrymyndaǵy baılanys jelilerin qalpyna keltirýge jiberilgen eki jumysshy sý shaıý qaýpi joǵary aýmaqta qalyp qoıǵan. Al sol kúni saǵat 11.30-da Byjy ózeniniń jaǵasynda «Qazaqstan temir joly» UK» AQ-ǵa enshiles «Transtelekom» AQ baılanysshysynyń óli denesi tabyldy.
Іz-tússiz joǵalǵan ekinshi jumysshyny quramynda 25 adamy bar jedel top izdestirý ústinde.
Qazirgi ýaqytta sýmen shaıylyp ketken 1461-shi shaqyrymdaǵy temirjol tósemderiniń 120 metr uzyndyqtaǵy bóligi aspaly kúıde tur (Aınabulaq stansysyna qaraı). Qalpyna keltirý jumystary júrgizilýde.
