Sý shaıyp ketken «Óskemen-Altaı» tasjoly qaıta ashyldy
ÓSKEMEN. KAZINFORM – Shyǵys Qazaqstan oblysynda sý shaıyp ketken respýblıkalyq mańyzy bar tasjoldyń ýchaskesi qalpyna keltirildi.
16 sáýirde saǵat 14:30-da «Óskemen-Altaı-Úlken Naryn-Katonqaraǵaı-Rahman qaınarlary» tasjolynyń 56-shaqyrymynda kólik qozǵalysyna ruqsat etildi. Bul jol keshe saǵat 20:00 shamasynan beri jabyq turǵan.
- 16 saǵattyń ishinde «QAJservıs» JShS oblystyq fılıaly men «Kurylys Group RK» JShS qalpyna keltirý jumystaryn aıaqtady. Sý shaıyp ketken joldaǵy jumystarǵa 22 tehnıka men 30 adam jumyldyryldy. Jolǵa 4000 tonna taý jynysy tóseldi, - deıdi «QazAvtoJol» UK ShQO fılıalynyń dırektory Nurbek Temirhanov.
Aıta keteıik, atalǵan ýchaske sý tasqyny qaýpi bar aımaqqa jatpaıdy. Sondyqtan onda sý ótkizgish qurylymdar joq.
Eske salsaq, osyǵan deıin Shyǵys Qazaqstanda joldy sý shaıyp ketkeni habarlanǵan.