Sý sharýashylyǵy jóninde aqparattyq ortalyq qurýdyń mańyzy zor

Búgin QR Parlamenti Senatynda «Saýarmaly egin sharýashylyǵy máseleleri boıynsha zańnamany jetildirý jáne Qazaqstanda sýarmaly jerlerdi tıimdi paıdalanýdyń joldary» atty taqyrypta ótken jıyn barysynda Palata Tóraǵasynyń orynbasary Muhambet Kópeev osyndaı usynys tastady, dep habarlaıdy QazAqparat.

Cenatordyń aıtýynsha, qazirgi tańda aýyl sharýashylyǵy taýarlaryn óndirýshiler kóbinese óz salasynyń óndirisi men agrobıznesti júrgizýge qatysty máseleler boıynsha aqparattyq-konsýltatsııalyq qyzmetterdi qajet etedi. Al aýyldaǵy konsýltatsııalyq qyzmetterdiń damymaýy aýyl sharýashylyǵy ónimderiniń básekege qabilettiligin báseńdetý faktory bolyp tabylady.

«Sondyqtan sý sharýashylyǵy men jelilerdi melıoratsııalaý jónindegi respýblıkalyq jáne óńirlik aqparattyq ortalyqtaryn qurýdyń mańyzy zor. Bular naryqtyq aqparatty tek qana jınap, taldaýmen shektelmeı, ozyq jańalyqtardy sý sharýashylyǵy kompanııalary men sýdy paıdalanýshylar arasynda taratýmen aınalysýy tıis», dedi M. Kópeev.