Sý sharýashylyǵy salasynda myqty mamandar jetispeıdi — Prezıdent

ASTANA. KAZINFORM — Memleket basshysy Qasym-Jomart Toqaev Aqordada sý sharýashylyǵy qyzmetkerlerin memlekettik nagradalarmen marapattaý rásiminde salada myqty mamandar jetispeıtinin aıtty.

— Qazir osy salada 30 myńǵa jýyq adam jumys isteıdi. Olar qala men aýyldy, óndirister men egis alqaptaryn sýmen qamtamasyz etýde. Degenmen, bizge myqty mamandar áli de jetispeıdi. Sol sebepti byltyr Qazaq ulttyq sý sharýashylyǵy jáne ırrıgatsııa mınıstrligi quryldy. Osy mamandyqqa bólinetin grant sany 2 esege artty. 500-den astam stýdent bıýdjet qarjysyna bilim alyp jatyr. Olar oqýyn aıaqtaǵan soń «Dıplommen aýylǵa» baǵdarlamasy aıasynda jumys isteı alady, — dedi Memleket basshysy.

Sondaı-aq Prezıdent 120 qyzmetker Qytaıda tájirıbe almasyp, qosymsha bilim alyp jatqanyn aıtty.

— Sý sharýashylyǵy mamandarynyń áleýmettik jaǵdaıyn jaqsartýǵa basa mán berilýde. Byltyr olardyń jalaqysy 25 paıyzǵa ósti. Bir sózben aıtsaq, júıeli istelip jatyr, — dedi Qasym-Jomart Toqaev.

Prezıdent atap ótkendeı, Qazaqstan úshin sý — ulttyq qaýipsizdik máselesi.