Sý sharýashylyǵy salasy mamandarynyń jalaqysy ósedi
ASTANA. KAZINFORM — Búginde sý salasy qyzmetkerleriniń jalaqysyn arttyrý boıynsha turaqty negizde jumys júrgizilip keledi. Bul týraly Úkimettiń baspasóz qyzmeti málim etti.
Máselen, 2024 jylǵy 1 qańtardan bastap qyzmetkerlerdiń jalaqy deńgeıi 25%-ǵa (163 myńnan 204 myń teńgege deıin) ulǵaıdy jáne qazirgi ýaqytta ol ortasha eseppen 204 myń teńgeni quraıdy.
Bul rette Mınıstrlik 2024 jylǵy jeltoqsannan bastap sý salasy qyzmetkerleriniń jalaqysyn arttyrýǵa qatysty «Tabıǵı monopolııalar týraly» QR Zańyna ózgeris pen tolyqtyrý engizý boıynsha jumys júrgizýde. Atap aıtqanda, memlekettik organdarmen, akkredıttelgen uıymdarmen, «Atameken» UKP-men jáne barlyq múddeli tulǵalarmen kelisilgen tıisti túzetý ázirlendi. QR Úkimetiniń oń qorytyndysy alyndy.
Sonymen qatar bıylǵy naýryz aıynda Májilis depýtattary maquldap, «Akvamádenıet máseleleri boıynsha keıbir zańnamalyq aktilerge ózgerister men tolyqtyrýlar engizý týraly» QR Zańynyń jobasyn Senatqa joldady. Osy túzetýlerdi qabyldaý 2025 jyldyń ekinshi jartyjyldyǵynda sý salasy qyzmetkerleriniń jalaqysyn 50%-ǵa — 305 myń teńgege deıin arttyrýǵa múmkindik beredi. Bul sharalar salaǵa joǵary bilikti mamandardy tartýǵa jaǵdaı jasaıdy dep kútiledi.
Aıta keteıik, sý salasy mamandary Qytaıda biliktilikti arttyrý kýrstarynan ótýdi bastady.