Sý sapasy máselesin ıntegratsııalanǵan sý qorlaryn basqarý arqyly sheshýge bolady
ALMATY. Naýryzdyń 26-y. QazAqparat /Ádilet Musahaev/ - Respýblıkamyzda sý tóńiregindegi máselelerge mán bermeýdiń sońy daýǵa, áleýmettik ósýdiń báseńdeýine ákelýi múmkin.
Bul jaıynda búgin Dúnıejúzilik sý qorlary kúnine arnalǵan dóńgelek ústelde aıtyldy, dep habarlaıdy QazAqparat.
Atalmysh sharaǵa - ıÝNESKO klasterli bıýrosynyń Almaty, Qyrǵyzstan, Tájikstan jáne Ózbekstan ókilderi, Astanadaǵy EQYU ortalyǵynyń jáne taǵy basqa halyqaralyq uıym ókilderi qatysty.
Almaty qalasy Gıdrometeorologııalyq monıtorıng ortalyǵynyń dırektory Qonysbek Baıedilovtyń aıtýynsha, mamandarǵa sý tóńiregindegi máseleler boıynsha jıi pikir almasyp, sý sapasyn jaqsartý salasyndaǵy qyzmetter týraly turǵyndarǵa keńirek málimet berip, qoǵamdyq uıymdar men retteýshi jergilikti organdarmen ǵylymı túrde árekettese jumys isteý kerek. «Sý sapasynyń máselesin ıntegratsııalanǵan sý qorlaryn basqarý arqyly sheshýge bolady», deıdi ol.
1993-shi jyly Rıo-de-Janeıro qalasynda ótken BUU-nyń Qorshaǵan ortany qorǵaý jáne damytý jónindegi konferentsııasynda 22-shi naýryz - Dúnıejúzilik sý qorlary kúni dep jarııalanǵan bolatyn.
Bul mereke qoǵam nazaryn sý máselesine aýdartyp, bolashaq urpaqqa sapaly sý saqtap, onyń deńgeıin jaqsartýǵa baǵyttalǵan. 2010 jyl - sý sapasyna arnalyp otyr.
