Sý resýrstaryn tıimdi basqarý Ortalyq Azııadan tys jerlermen de ózara is-qımyldy talap etedi
«Jahandyq klımattyń ózgerýi turǵysynda sý resýrstaryn tıimdi jáne ádil basqarý máseleleri basseın elderimen ári Ortalyq Azııadan tys jerlermen biregeı den qoıýdy, sondaı-aq tıimdi ózara is-qımyldy talap etedi. Energetıkalyq jáne azyq-túlik qaýipsizdigi máseleleri de olarmen tyǵyz baılanysty. Kóshi-qon aǵyndaryn basqarý, kedeıshilikpen kúresý, syrtqy ekonomıkalyq kómekti tartý jáne kerisinshe osyndaı kómek kórsetýdiń barlyǵy kópjaqty sheńberde jaqsy úılestirýdi talap etedi jáne bizdiń uıym ony qamtamasyz ete alady», - dedi Qaırat Sarybaı elordada ótip jatqan І Ortalyq Azııa medıaforýmynda.
Osy rette ol uıymnyń 6-sammıti Astanada ótkenine toqtaldy.
«Onda eki mańyzdy qujat qabyldandy. Olar: AÓSShK-niń jahandyq terrorımzge qarsy strategııasyn júzege asyrý jáne aqparattyq-kommýnıkatsııalyq tehnologııalardy paıdalaný arqyly qaýipsizdik salasyndaǵy yntymaqtastyq jónindegi is-qımyl jospary. Sizder AÓSShK qaýipsizdik pen ınnovatsııaǵa qatysty dástúrli túsinigin de kóre alasyzdar», - dedi hatshylyqtyń atqarýshy dırektory.
