Sý resýrstaryn tsıfrlandyrý ony únemdi paıdalanýǵa alyp keledi – sarapshy Prezıdent tapsyrmasy jaıynda
«Basty artyqshylyǵy bul ashyqtyq, adamı faktordyń azdyǵynan júıeniń tıimdi jumys isteýi. ıAǵnı, adamı faktorlar men adamı qatelikter joıylady. Júıe úlken derekterdi saraptap, barlyq kórsetkishterdi qadaǵalap otyrady jáne sonyń negizinde sheshim qabyldaıdy. Máselen, sý resýrstaryn tsıfrlandyrý – bul derekteri qurylymdaý. Al bul sý resýrstaryn únemdi ári tıimdi paıdalanýǵa alyp keledi», - dedi sarapshy QazAqparat tilshisine bergen suhbatynda.
Sonymen qatar ol elimizde tsıfrlandyrý qarqyndy ósim kórsetip otyrǵanyna nazar aýdartty.
«Bizde eń úzdik elektrondy úkimettiń biri. Degenmen, kıberqaýipsizdikti de qaperden shyǵarýǵa bolmaıdy. Óıtkeni, hakerlik toptar, alaıaqtar bar. Eger olar barlyq tsıfrlandyrýdy basqarý júıesine kirý múmkindigin alatyn bolsa, onda bizdi blekaýt kútýi múmkin. Máselen, bizde aqparattyq júıelerdegi osal tustardy anyqtaý jónindegi ulttyq baǵdarlama bar. Táýelsiz zertteýshiler birneshe jyl buryn Astana qalasyn sýmen jabdyqtaý júıesin basqarý boıynsha esep tapsyrdy. Elektrondy úkimettiń de osal tustary anyqtaldy. Bul eki ushy bar taıaq – yńǵaılylyq jáne qaýipsizdik. Sondyqtan da tsıfrlandyrý arqyly azamattarǵa yńǵaıly servıs usynýymyz qajettigin aıtqan kezde sol derekterdiń qorǵalýyn da oılastyrýymyz kerek», - dedi Oljas Sátıev.
Esterińizge sala ketsek, VIII saılanǵan Parlamenttiń birinshi sessııasynyń ashylýynda Memleket basshysy Qasym-Jomart Toqaev sýmen jabdyqtaý nysandaryn jáne barlyq sý salasyn tsıfrlandyrý zor mańyzǵa ıe ekendigin atap ótken edi.
Sonymen qatar sýarý arnalaryn jappaı jańǵyrtý, gıdırotehnıkalyq qurylystardy derbes basqarýǵa kóshý, sý resýrstaryn paıdalanýǵa kvota engizý, sýdy esepke alýdy avtomattandyrý kerektigin toqtalǵan bolatyn.
«Bul máselelerdiń barlyǵy sapaly normatıvtik-quqyqtyq jáne zańnamalyq qamtamasyz etýdi talap etedi»,- degen edi Prezıdent.