Sý resýrstary komıteti tóraǵasynyń burynǵy orynbasaryna qatysty jańa qylmystyq ister qozǵaldy - Qarjy polıtsııasy
ASTANA. 1 qazan. QazAqparat - Sátbaev atyndaǵy kanal úshin satyp alynǵan gıdrokúshtik jabdyqtyń baǵasyn joǵarylatyp, 1,5 mlrd.teńge bıýdjet qarajatyn urlady degen aıyppen
QR Aýyl sharýashylyq mınıstrliginiń Sý resýrstary komıteti tóraǵasynyń burynǵy orynbasary Arman Qýmashevtyń qamaýǵa alynǵandyǵyn buryn habarlaǵan bolatynbyz.
Aǵymdaǵy jylǵy 27 qyrkúıekte Qýmashevqa qatysty «Sátbaev atyndaǵy kanal» RMK sorǵylyq stansalarynyń negizgi tehnologııalyq jabdyqtaryn qaıta qurýǵa bólingen 4,8 mlrd.teńge bıýdjet qarajatyn urlaýǵa oqtalý faktisi boıynsha qylmystyq is qozǵaldy.
Qarjy polıtsııasynyń aralasýynyń arqasynda atalǵan bıýdjet qarajatyn urlaýǵa jol berilmedi.
Sonymen qatar, oǵan qatysty zańsyz jolmen alynǵan aqshalaı qarajatty zańdastyrý faktisi boıynsha qylmystyq is qozǵaldy. Oǵan jubaıy jáne týysqandary arqyly jyljyıtyn jáne jyljymaıtyn múlikti satyp alý arqyly urlanǵan bıýdjet qarajatyn zańdastyrdy degen kúdik taǵylýda.
Atalǵan múlikke tıym salý boıynsha is-sharalar qabyldanýda.
Qylmystyq ister tergelýde, nátıjeleri jurtshylyqqa jetkiziletin bolady, dep habarlady Qarjy polıtsııasynyń baspasóz qyzmetinen.
