Sý resýrstary boıynsha bilim alýǵa nıetti talapkerler úshin bilim granty kóbeıedi

ASTANA. QazAqparat – Sý salasynda suranysqa ıe pánder boıynsha joǵary bilim alý úshin bilim berý granttarynyń sanyn ulǵaıady. Mundaı bastama Sý resýrstaryn basqarý júıesin damytýdyń 2023-2029 jyldarǵa arnalǵan tujyrymdama-jobasynda kóterilgen, dep habarlaıdy QazAqparat tilshisi.

«M.H.Dýlatı atyndaǵy Taraz óńirlik ýnıversıtetimen birlesip, sý salasynda suranysqa ıe mamandardy daıarlaý úshin atalǵan joǵary oqý ornyn damytý baǵdarlamasy bekitiledi. Bul jumystar 2023-2029 jyldar aralyǵynda júrgiziledi. Sonymen birge, sý salasyndaǵy ınnovatsııalyq pánderdi qosa otyryp, bilim berý baǵdarlamalary jańartylady. Sý salasynyń suranysqa ıe pánderi boıynsha joǵary bilim alý úshin memlekettik bilim berý granttarynyń sanyn ulǵaıtylady», - delingen Ashyq NQA portalynda jarııalanǵan 6 jyldyq tujyrymdamada.

Munymen qatar, jumys josparynda baıandalǵandaı, keler jyldan bastap Ertis, Derkól, Elek, Esil, Tobyl, Nura, Shý, Seleta, Qaratal, Topar, Syrdarııa, Oıyl, Jem, Saǵyz ózenderiniń arnasy tazartylady. Olar tıisti óńir ákimdikterimen birlese oryndalady.

Qujat 20 maýsymǵa deıin kópshilik talqylaýda bolady.