Sý resýrstaryn qorǵaýǵa memleket, bıznes jáne azamattyq qoǵam birlese atsalysýy kerek - depýtat

ASTANA.KAZINFORM – Elimizde sý resýrstaryn qorǵaý jumysyn memleket, bıznes jáne azamattyq qoǵam birlese qolǵa alýy kerek. Bul týraly QR Parlamenti Májilisiniń depýtaty Ajar Saǵyndyqova aıtty.

Ажар Сағындықова
Фото: Солтан Жексенбеков/Kazinform

– Qazaqstandaǵy sý resýrstary máselesi barǵan saıyn ózekti bolyp keledi. Bul másele ekonomıkaǵa, aýyl sharýashylyǵyna, halyqtyń densaýlyǵyna jáne ekojúıege áser etedi. Negizgi qıyndyqtarǵa tuşy sý tapshylyǵy, sý aıdyndarynyń lastanýy, resýrstardy tıimsiz basqarý jáne ónerkásip pen aýyl sharýashylyǵy arasyndaǵy sý úshin básekelestik jatady. Bul máselelerdi sheshý úshin barlyq múddeli taraptyń – memleket, bıznes jáne azamattyq qoǵam belsendi qatysýy qajet. Sý resýrstaryn tıimdi basqarý úshin memleket pen azamattyq qoǵam arasyndaǵy áriptestikti nyǵaıtý, jastardy tartý, bilim berý baǵdarlamalaryn keńeıtý jáne ekologııalyq jobalardy qarjylandyrýdy arttyrý mańyzdy. Keshendi tásil men yntymaqtastyq elimizde sý resýrstaryn ádil ári turaqty basqarýǵa qol jetkizýge múmkindik beredi, - dedi ol «Sý resýrstaryn saqtaý jáne sý júıelerin ornyqty basqarý: Jahandyq bastamalardaǵy Qazaqstan róli» atty halyqaralyq konferentsııada.

jastar
Foto: Aǵybaı Aıapbergenov/Kazinform

Sondaı-aq spıker jastardy, stýdentterdi sý resýrstaryn qorǵaý jobalaryna qatysýǵa yntalandyrý ekologııalyq turǵyda jaýapty jańa býyndy qalyptastyrýǵa yqpal etetinin atap ótti.

– Oqytý baǵdarlamalaryn kóbeıtý, qoǵamdyq uıymdar men jergilikti turǵyndarǵa arnalǵan oqytý baǵdarlamalaryn daıarlaý sýdy únemdep paıdalaný kórsetkishin arttyrady, - dep túıdi sózin depýtat.

Aıta keteıik, buǵan deıin Sý sharýashylyǵy komıtetiniń tóraǵasy elimizde bul salada josparlanǵan aýqymdy jobalar týraly aıtqan bolatyn.

Сейчас читают