Sý resýrstaryn basqarýdaǵy yntymaqtastyq: SUEZ Qazaqstanda jumys isteýge daıyn

ASTANA. KAZINFORM — Premer-mınıstrdiń orynbasary Qanat Bozymbaev SUEZ kompanııasynyń aǵa vıtse-prezıdenti Sılver Delonemen kelissózder ótkizdi, dep habarlaıdy Úkimettiń baspasóz qyzmeti.

SUEZ — ekologııalyq qyzmetter men turaqty ınfraqurylymdyq sheshimder salasyndaǵy álemdik kóshbasshylardyń biri. Búginde kompanııanyń 40-tan astam elde ókildigi bar.

Kezdesý barysynda kompanııanyń Qazaqstanda Sýmen jabdyqtaý jáne sý burý júıelerin jańǵyrtý jónindegi ulttyq jobany júzege asyrýǵa qatysý múmkindigi talqylandy. Búginde Ulttyq joba aıasynda elimiz boıynsha 4,7 myń shaqyrym sý qubyry men 2,6 myń shaqyrym káriz jelisin jańǵyrtý josparlanyp otyr.

SUEZ kompanııasynyń elimizde operatsııalyq ókildigi bolmaǵandyqtan, qazaqstandyq tarap kompanııaǵa bizdiń elimizde óz ókildigin ashýdy usyndy. Bul uzaqmerzimdi yntymaqtastyqqa jasalatyn mańyzdy qadam bolar edi.

Seriktestik aıasynda Qanat Bozymbaev sý resýrstaryn basqarý jáne sý tazartý tehnologııalaryn transfertteýdiń, qazaqstandyq mamandardy oqytýdyń mańyzdylyǵyn atap ótti. Sondaı-aq otandyq óndirýshilerdi qoldaý jáne local content basymdyqpen qoldanýdyń ózektiligine nazar aýdardy.

Taraptar ózara is-qımyldyń naqty tetikterin pysyqtaý úshin jumys tobyn qurýǵa kelisti.

Buǵan deıin Bozymbaev sý salasyndaǵy memlekettik saıasattyń negizgi baǵyttaryn atady.