Sý resýrstary mınıstrligi qurylǵaly 872 nysandy memleket menshigine qabyldady

ASTANA. KAZINFORM – Sý resýrstary jáne ırrıgatsııa mınıstrligi qurylǵan sátten bastap elimizdiń 10 oblysynda kommýnaldyq gıdrotehnıkalyq qurylysjaılardy paıdalaný jáne basqarý jónindegi mamandandyrylǵan mekemeler quryldy.

Qazirgi tańda olardyń balansyna 872 nysan qabyldanyp, 283 arnaıy tehnıka berildi jáne 1 197 maman jumysqa ornalastyryldy.

Mamandandyrylǵan mekemelerdiń negizgi mindeti – gıdrotehnıkalyq qurylysjaılardyń qaýipsiz jumysyn qamtamasyz etý, olardy jaqsy jaǵdaıda ustaý jáne jóndeý jumystaryn ýaqytyly júrgizý.

– Mundaı mekemeler Aqmola, Aqtóbe, Atyraý, Batys Qazaqstan, Soltústik Qazaqstan, Qostanaı, Qyzylorda, Pavlodar, Abaı jáne Jetisý oblystarynda ashyldy. Osylaısha elimizde kommýnaldyq gıdrotehnıkalyq qurylysjaılardy paıdalaný jáne basqarý jónindegi mamandandyrylǵan mekemelerdiń jalpy sany 16-ǵa jetti, – dedi Sý resýrstary jáne ırrıgatsııa mınıstri Nurjan Nurjigitov.

Mınıstrliktiń bastamasymen oblys ákimdikteri 2025-2027 jyldarǵa arnalǵan mamandandyrylǵan mekemelerdiń balansyna kommýnaldyq gıdrotehnıkalyq qurylysjaılardy qabyldaý boıynsha jol kartalaryn ázirledi.

Aıta keteıik, qaıtarylǵan avtıvterdiń 10 mıllıard teńgeden astamy Abaı oblysyna sý tartýǵa bólindi.