Sý resýrstary jáne ırrıgatsııa mınıstrligi Qyzylorda oblysynda sý qoımasy men sý torabyn salmaqshy

ASTANA. KAZINFORM — Qyzylorda oblysy Aral aýdanyndaǵy Aqshataý jáne Qamystybas kólderine sý jınaý úshin Sý resýrstary jáne ırrıgatsııa mınıstrligi Amanótkel aýylynyń janynda sý torabyn salýdy josparlap otyr. Sondaı-aq, Qaraózek kanalynda jańa sý qoımasyn salýǵa nıetti. Bul týraly Qyzylorda oblysynyń turǵyndarymen kezdesýde Sý resýrstary jáne ırrıgatsııa mınıstri Nurjan Nurjigitov málimdedi.

Budan bólek, Jıdeli sý qoımasy men Qyzylorda sý torabyn keshendi rekonstrýktsııalaý josparlanyp otyr. Al 2025-2026 jyldary Jańaqorǵan aýdanyndaǵy «Kelintóbe» magıstraldyq kanaly men Shıeli aýdanyndaǵy Sulýtóbe aýyldyq okrýgine Syrdarııa ózeninen sý jiberý úshin qosymsha kanaldar salý josparda bar.

Foto: Sý resýrstary jáne ırrıgatsııa mınıstrligi

«Bul is-sharalar oblystyń aýyl sharýashylyǵyn sýarmaly sýmen neǵurlym tıimdi qamtamasyz etý úshin jáne óńirdiń sý nysandaryn saqtaýǵa qajet», — dedi Sý resýrstary jáne ırrıgatsııa mınıstri Nurjan Nurjigitov.