Sý resýrstary mınıstrligi qurylǵaly 1800-den astam sý mamany turaqty jumyspen qamtyldy
ASTANA. KAZINFORM – Sý resýrstary jáne ırrıgatsııa mınıstrligi qurylǵannan beri 1800-den astam sý mamany turaqty jumyspen qamtyldy. Bul týraly vedomstvonyń baspasóz qyzmeti málim etti.
2023 jyly basseın ınspektsııalarynyń shtaty 98-den 281 adamǵa deıin ósti. Sondaı-aq elimizdiń 10 óńirinde kommýnaldyq gıdrotehnıkalyq qurylysjaılardy paıdalaný jáne basqarý jónindegi mamandandyrylǵan mekemeler quryldy. Búgingi tańda onda 1 197 maman eńbek etip jatyr.
2025 jyldyń basynan beri «Qazsýshar» RMK-nyń 425 maýsymdyq qyzmetkeri turaqty jumysqa ornalastyryldy. Sonymen qatar elimizdiń ártúrli óńirlerinde gıdrotehnıkalyq nysandardy qalpyna keltirý jáne salý jobalaryn júzege asyrý barysynda 892 turaqty jumys ornyn qurý josparlanyp otyr.
– Memleket basshysynyń tapsyrmalaryn oryndaý maqsatynda mınıstrlik sý salasyna jańa bilikti kadrlardy tartý baǵytynda belsendi jumys júrgizip keledi. Sondaı-aq mamandardyń eńbek jaǵdaıyn jaqsartý sharalary qolǵa alynyp jatyr. Máselen, sý salasy qyzmetkerleriniń biliktiligin arttyrý jáne qaıta daıarlaý, sonymen qatar olardyń jalaqysyn energetıka salasyndaǵy mamandar deńgeıine jetkizý máselesi sheshimin tapty»,
– dedi Sý resýrstary jáne ırrıgatsııa mınıstri Nurjan Nurjigitov.
Buǵan deıin habarlanǵandaı, Sý resýrstary mınıstrligi qurylǵaly 872 nysandy memleket menshigine qabyldady.