Sý resýrstary mınıstrligi elimizdiń sý qoımalaryndaǵy jaǵdaı týraly habarlady
ASTANA. KAZINFORM - Sý resýrstary jáne ırrıgatsııa mınıstrligi tasqyn sýyn qabyldaý jáne qaýipsiz ótkizý úshin elimizdiń soltústik, batys, shyǵys jáne ortalyq aımaqtaryndaǵy iri sý qoımalarynan sý jiberip jatyr.
QR Sý resýrstary jáne ırrıgatsııa mınıstrliginiń málimetterinshe, 31 naýryz kúngi jaǵdaı kelesideı:
Aqmola oblysynda Astana jáne Shaǵalaly sý qoımalarynan sekýndyna 1,5 tekshe metr, Sileti sý qoımasynan 81,74 tekshe metr sý jiberilýde.
Aqtóbe oblysyndaǵy Aqtóbe sý qoımasynan sekýndyna 10 tekshe metr, Qarǵaly sý qoımasynan sekýndyna 2 tekshe metrden sý jiberilýde. Byltyr rekonstrýktsııa jasalǵan eki sý qoımasy belsendi sý jınap jatyr. Búgingi tańda eki nysan orta eseppen 69%-ǵa toly.
Shyǵys Qazaqstan oblysynda Buqtyrma sý qoımasynan sekýndyna 650 tekshe metr, al, Óskemen sý qoımasynan 450 tekshe metr sý jiberilýde.
Abaı oblysyndaǵy Shúlbi sý qoımasynan sekýndyna 750 tekshe metr sý jiberilýde.
Batys Qazaqstan oblysynda Kırov sý qoımasynan sekýndyna 17 tekshe metr, Bitik sý qoımasynan sekýndyna 28 tekshe metr, Dóńgelek sý qoımalarynan sekýndyna 4 tekshe metr jáne Pıatımar sý qoımasynan sekýndyna 1 tekshe metrden sý jiberilýde.
Qaraǵandy oblysynda Yntymaq sý qoımasynan sekýndyna 8 tekshe metr, Samarqand sý qoımasynan 5 tekshe metr sý jiberilýde.
Ulytaý oblysy Keńgir sý qoımasynan sekýndyna 4,86 tekshe metr sý jiberilýde.
Qostanaı oblysynda Joǵarǵy Tobyl sý qoımasynan sekýndyna 1,1 tekshe metr, Qaratomar sý qoımasynan sekýndyna 3 tekshe metrden sý jiberilýde. Qazir eki nysan da belsendi sý jınaýda, orta eseppen 69%-ǵa toldy.
Soltústik Qazaqstan oblysynda Sergeev sý qoımasynan sekýndyna 450,4 tekshe metr, Petropavl sý qoımasynan 640 tekshe metr sý jiberilýde.
Osyǵan deıin Batys Qazaqstanda Jaıyq ózenindegi sý deńgeıi qaıta kóterilgeni týraly jazdyq.