«Sý QR-kod arqyly berile bastady» – feık

ASTANA. QazAqparat – Instagram-da taraǵan vıdeoda Nıgerııada sý alýǵa kelgen áıelder QR-kodty skanerleıdi. Aıtylǵandaı, onsyz elde sý alý múmkin emes. Máseleni Stopfake.kz anyqtap kórdi, dep habarlaıdy QazAqparat.

«Bul vıdeo jelide 2023 jyldyń naýryz aıynda taraı bastaǵan bolatyn. Barlyq jerde vıdeonyń Nıgerııada túsirilgeni jáne áıelder sý alý úshin QR-kodty paıdalanatyny jazyldy.

Shyn máninde, bul vıdeo Nıgerııada emes, Malavıde túsirilgen. Vıdeo keıipkerleri kádimgi sý satatyn avtomatty paıdalanady. Olar QR kodyn emes, sý satyp alý úshin tólem jasaýǵa bank kartasyn ótkizgen.

Mundaı avtomattar Malavıde 2020 jyldyń ekinshi jartysynda, COVID-19 pandemııasy kezinde ornatyldy. Buǵan deıin tólemdi avtomattyń janynda belgili bir ýaqytta kezekshilik etetin adam alatyn. Osyǵan baılanysty sýǵa uzaq-sonar kezek qalyptasyp, aýrý juqtyrý yqtımaldyǵy edáýir artqan. Avtomattandyrylǵan sý berý júıelerin ornatý táýlik boıy jumys isteıdi jáne úshinshi tulǵalardyń qatysýyn qajet etpeıdi, óıtkeni satyp alýshylar tikeleı tólem jasaıdy.

Demek, taralǵan aqparat – feık. Kadrlarda Nıgerııadaǵy QR-kod boıynsha sý berý júıesi emes, Malavıdegi kádimgi sý satatyn avtomat kórsetilgen», - delingen Stopfake.kz saıtynda.