Sý polosy: Qazaqstan Qurlyqaralyq kýbokta Argentınany jeńdi
ASTANA. QazAqparat - Sý polosynan Qazaqstannyń erler quramasy Álemdik lıganyń Qurlyqaralyq kýbogynda Argentınany utty, dep habarlaıdy «SPORTINFORM» SAA.
Oıyn 8:8 esebimen aıaqtaldy. Biraq penaltıler serııasynda jerlesterimiz 12:9 esebimen basym tústi.
Bul Qazaqstannyń Jańa Zelandııanyń Oklend qalasyndaǵy ekinshi jeńisi boldy. Buǵan deıin bizdiń jigitter Kanada quramasyn jeńgen bolatyn.
Álemdik lıganyń Qurlyqaralyq kýbok oıyndary 8 sáýirge deıin jalǵasady. Oǵan qatysýshylar eki topqa bólingen. Bizdiń sportshylar Jańa Zelandııa, Argentına, Avstralııa jáne Kanada ókilderimen birgen A tobyna túsken.
Al Qazaqstan áıelder quramasy V tobyna AQSh, Avstralııa jáne Jańa Zelandııamen birge túsip, Jańa Zelandııa quramasyn 19:5 esebimen talqandaǵan bolatyn.
