Sý máselesi aımaqtaǵy kelispeýshilikti shıelenistirýi múmkin - Áskerı-strategııalyq zertteýler ınstıtýty
ASTANA. 10 qazan. QazAqparat /Arman Asqarov/ - Bolashaqta Ortalyq Azııadaǵy demografııalyq ósim sý resýrstaryna degen suranysty kúsheıtedi.
Onyń arty aımaqtaǵy kelispeýshilikti shıelenistirýi múmkin. Búgin Áskerı-strategııalyq zertteýler ortalyǵynyń basqarma bastyǵy, zapastaǵy polkovnık Rafık Taırov osyndaı boljam aıtty.
Onyń habarlaýynsha, aldaǵy 20 jylda Ortalyq Azııa halqynyń demografııalyq ósýi nátıjesinde sýǵa degen suranys 40 paıyzǵa artady. «Bul jaǵdaı memleketaralyq shıelenisterdiń qozǵaýshysy bolýy ábden múmkin. Sondyqtan Ortalyq Azııa elderiniń saıası basshylyǵy óńirdegi sý-energetıka máselesin ádil ári shuǵyl túrde sheshýi tıis», - deıdi R.Taırov.
