Sý mamany: Jambyldaǵy sý tapshylyǵy durys josparlamaýdan ýshyǵyp ketti

ASTANA. QazAqparat – Sý sharýashylyǵy jáne gıdrotehnologııalyq ınjenerııa mamany Aıgerim Káribaı Jambyl oblysyndaǵy sharýalardyń qurǵaqshylyqtan zardap shegýin durys josparlamaýdyń kesiri dep baǵalady, dep habarlaıdy QazAqparat tilshisi.

Astanada «Qazaqstandaǵy sý daǵdarysy: sý resýrstaryn tıimdi basqarýdyń joldary qandaı?» degen taqyryppen ótken talqylaýda sarapshy mamandar sý tapshylyǵynyń Qazaqstandaǵy aýqymy týraly pikir almasty. Talyqlaý kezinde Jambyl oblysyndaǵy kúrdeli jaǵdaı jeke keıs retinde qaraldy.

«Ár vegetatsııalyq kezeń bastalar kezde sý mamandary jergilikti organdarmen jáne sharýalarmen birlesip, boljam jasaımyz. Bıyl sý tapshy bola ma, ortasha bola ma, álde mol bola ma? Áýeli osy suraqqa jaýap tabamyz. Odan keıin jergilikti basseınde qandaı daqyldar egilip kelgenin, bıyl qandaı daqyldar egilý kerektigin anyqtaımyz. Ár daqyl qansha gektarǵa egiletini, ol daqyldarǵa qansha sý bere alatynymyz josparlanady. Bul jospardy sý boljamyn eskere otyryp, jergilikti ákimdikter arqyly sharýalarǵa jetkizemiz.Bıyl Jambyl oblysynda vegetatsııalyq maýsym aýyr ótkenin bilesizder. Sýdyń tapshylyǵynan ekken daqyldary kúıip ketti. Eń birinshi, bul jerde durys josparlaý bolmaǵan. ıAǵnı, áýeli sý resýrsyna jaýapty organdar jyldyń sý boljamyna jáne qaı alqapqa ne egilip jatqanyna qaraý kerek bolǵan. Tipti naýryz aıynan bastap qazan aıyna deıin qansha sý qajet bolatyny, qansha sý beriletini eseptelip, bekitilý kerek edi. Sharýalarǵa sýdyń boljamyn aıta otyryp, túsindirý jumystary kúndelikti júrgizilý qajet. Barlyq segiz basseın boıynsha osyndaı jumys istelý kerek», - dedi Aıgerim Káribaeva.

Sondaı-aq, ol basseındik ınspektsııalardyń quzyretin kótermese, salaǵa tártip ornatý qıyn ekenin atap ótti.

«Qazaqstanda segiz iri sý basseıni bar desek, sonyń árqaısysyn basqaratyn basseındik ınpetsııa bar. Qazir osy basseındik ınspektsııalardyń quzyreti shekteýli. Óıtkeni olardy qadaǵalaý fýnktsııasy joq. Olar sýdy paıdalanbaı jatqan nemese sýdy lastap jatqan dıqanǵa nemese kásiporyn ákimshiligine baryp, aıyppul salatyn nemese plomb qoıyp ketetin quqyǵy joq», - dedi sarapshy.