Sý qubyrynyń jarylýynan kópqabatty 13 úı men 2 medıtsınalyq mekeme sýsyz qaldy - TJM
ASTANA. Qańtardyń 27-si. QazAqparat - Sý qubyrynyń jarylýy saldarynan Astana qalasynda kópqabatty 13 turǵyn úı men 2 medıtsınalyq mekeme birneshe saǵatqa sýsyz qaldy,
dep habarlady sársenbi, qańtardyń 27-si kúni Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń aqparatyna sáıkes, qańtardyń 26-sy kúni 11 saǵat 30 mınýtta Saryarqa aýdanyndaǵy Á.Moldaǵulova kóshesinde sý qubyry 300 mıllımetr kóleminde jarylyp, kópqabatty 13 turǵyn úı men №1-shi perzenthana jáne temir jol aýrýhanasy birneshe saǵatqa sýsyz qalǵan.
Tótenshe jaǵdaıdy joıýmen aınalysqan «Astana sý arnasy» memlekettik kommýnaldyq kásiporny jóndeý-qalpyna keltirý jumystaryn 7 saǵattan keıin aıaqtady.
