Sý qubyrynyń buzylýyna baılanysty elordadaǵy keıbir turǵyn úılerge sý berý toqtatyldy
ASTANA. 6 qańtar. QazAqparat - Astanada Seıfýllın kóshesindegi №30 úıde sý qubyrynyń buzylýyna baılanysty Seıfýllın kóshesi men Jeńis dańǵylyndaǵy turǵyn úılerge sý berý toqtatyldy. Bul týraly «Astana sý arnasy» MKK baspasóz qyzmetine silteme jasap astana.kz habarlady.
«Apatty ýchaskede jóndeý jumystaryn júrgizý úshin Seıfýllın kóshesi men Jeńis dańǵylynyń boıyndaǵy turǵyn úılerge sý berý toqtatylady», - delingen habarlamada. Aıta keteıik, búgin saǵat 06.00 «Astana sý arnasy» MKK avarııalyq-dıspetcherlik qyzmetine Seıfýllın kóshesindegi №30 turǵyn úıde dıametri 700 mm sý qubyrynyń buzylýy týraly aqparat kelip tústi. Oqıǵa ornyna 14 arnaıy tehnıka men «Astana sý arnasy» MKK REÝ-3 úsh brıgadasy shyqty.
