Sý qoımasynyń túbi tekserilmegen: Qostanaı TJD oqýshynyń ólimine qatysty mán-jaıdy aıtty

QOSTANAI. Qazaqparat — Bala sýǵa batqan jasandy sý qoımasynyń túbi tekserilmegen. Bul týraly brıfıng barysynda Qostanaı oblysy tótenshe jaǵdaılar departamenti bastyǵynyń orynbasary Azamat Orymbaev málimdedi, dep habarlaıdy QazAqparat.

«Jınalǵan aqparat boıynsha: balalar 9-synyptyń aıaqtalýyna baılanysty mektepten keıin úsheýi jasandy sý qoımasyna barǵan. Olardyń ekeýi júzbek bolady. Olar sýǵa túskende sý taıaz bolady. Biraq keıinirek sýǵa batyp ketken bala alysyraq júzip kórmekshi bolady. Deneni tapqan súńgýirlerimizdiń derekteri boıynsha kólshiktiń tereńdigi 3 metrden asady», - dedi A.Orymbaev.

Belgili bolǵandaı, bul sý qoımasynda shomylýǵa tyıym salatyn belgi joq. Biraq onyń túbi áli kúnge deıin zerttelgen joq.

«Bul saıabaq áli tolyq aıaqtalǵan joq. Jaǵalaý syzyǵy bar, biraq ondaǵy jumystar aıaqtalǵan joq. Onda mindetti túrde qaýipsizdik belgileri ornatylady, - dedi A.Orymbaev. - Másele baqylaýda, biz polıtsııa departamentine balalardyń osy sý aıdynynda shomylýyna jol bermeý úshin jaıaý patrýlderdi kúsheıtemiz. Sý túbi daıyn emes jáne tekserilmegen».

TJD bastyǵynyń orynbasary qorytyndylaǵandaı, shomylýǵa ruqsat etilgen aımaqtyń barlyq sý aıdyndarynda 3-4 qutqarýshy kezekshilik etedi.

Aıta keteıik, keshe Qostanaı qalasy áýejaıynyń janyndaǵy Tarelochka ózeninde qaıǵyly oqıǵa boldy. Jasóspirim kópirden sýǵa sekirgende moıyny synyp ketip, mert bolǵan.