Sý qoımasyna jınalǵan sý egistikterdi sýarýǵa jumsalady

ASTANA. KAZINFORM — Sý resýrstary jáne ırrıgatsııa mınıstrligi elimizdiń sý qoımalaryndaǵy qazirgi jaǵdaıdy baıandady. 

Batys Qazaqstan oblysyndaǵy tórt iri sý qoımasy 91%-ǵa toldy. Onyń bári shtattyq kestege saı jumys istep tur. 

Aqmola oblysyndaǵy eki iri sý qoımasy 97,4%-ǵa toly. Eki nysan da shtattyq rejımde jumys isteıdi.

Soltústik Qazaqstan oblysyndaǵy 2 iri sý qoımasy 99,6%-ǵa toly.

Aqtóbe oblysynda eki iri sý qoımasynyń ortasha sý jınaý kórsetkishi — 88,5%. Eki nysan da shtattyq keste aıasynda jumys istep tur. 

Shyǵys Qazaqstan oblysynda eki iri sý qoımasy boıynsha ortasha sý jınaý kórsetkishi — 92,6%.

Abaı oblysynda Shúlbi sý qoımasy 91%-ǵa toly.

Qaraǵandy oblysyndaǵy 3 iri sý qoımasy 99%-ǵa toly. Olardyń barlyǵy shtattyq kestege saı jumys istep tur.

Qostanaı oblysynda eki iri sý qoımasynyń ortasha sý jınaý kórsetkishi — 88,6%. Eki nysan da shtattyq keste aıasynda jumys isteıdi.

Sý qoımalaryna jınalǵan sý aýylsharýashylyǵy men ónerkásipte paıdalanýǵa jiberiledi.