Sý qoımalaryn jeke kásipkerlikke bekitýge arnalǵan birinshi onlaın-saýda jarııalandy

NUR-SULTAN. QaAqparat - Memleket tarapynan jeke kásipkerlikke ańshylyq alqaptar men balyq sharýashylyǵy sý qoımalaryn berý keńinen taralǵan tájirıbe. Endi QR Ekologııa, geologııa jáne tabıǵı resýrstar mınıstrliginiń qatysýymen mundaı konkýrstar onlaın formatta ótkizile bastady. Saýda alańynyń operatory - Qarjy mınıstrligi «Aqparattyq-esepteý ortalyǵy», dep habarlaıdy QazAqparat.

Qazaqstanda ańshylyq alqaptardy shoǵyrlandyrýǵa arnalǵan birinshi onlaın-baıqaý nátıjesinde 72 myń teńgeniń baǵasy, onlaın-baıqaý kezinde,18 mıllıon teńgege, ıaǵnı 250 esege deıin ósken bolatyn.

Baıqaý sharttaryna sáıkes, jeńimpaz barlyq salyqtardy tóleı otyryp, tapsyrysty, jergilikti faýnanyń jaǵdaıyn baqylap, ony kóbeıtýmen aınalysýy, ańshylarǵa týrlar uıymdastyrýy qajet. Jeńimpazdarǵa beriletin sharttar uqsas bolǵandyqtan, bul sharttar rezervtik balyq sharýashylyǵy sý qoımalaryna da qatysty bolmaq.

«Buryn jarnamany keıbir aýdandyq gazetterge qoıýǵa bolatyn edi, al qazir baıqaý týraly habarlandyrýdy eldiń túkpir-túkpirinen kelgen qatysýshylar kóredi. Sonymen qatar, jer men sý obektileri ınteraktıvti kartada kórsetiledi. Ekinshiden, onlaın-saýda kezinde «básekelestik áseriniń» arqasynda bastapqy qun aıtarlyqtaı artady, bul bıýdjet úshin tıimdi», - dedi «Aqparattyq-esepteý ortalyǵy» AQ bas mamany Amangeldi Bakın.

Bul baǵyttaǵy tenderlik rásim komıssııalardyń qatysýyn áli de saqtap qalǵanyn atap ótý mańyzdy. Komıssııa músheleri qatysýshylardyń talaptarǵa sáıkestigin tekseredi jáne qatysýshylardy ekinshi kezeńge - onlaın-aýktsıonǵa jiberýdi júzege asyrady. Biz bul komıssııanyń bolýyna kelisýge májbúrmiz, sebebi, bul salada tolyq avtomattandyrýdyń «tsıfrlyq» krıterııleri joq jáne konkýrsqa qatysýshylar men olardyń qyzmeti týraly kóptegen aqparat áli «tsıfrlandyrylmaǵan».

Búgingi tańda alańda 29 baıqaý jarııalandy. Ekologııa mınıstrligi balyq sharýashylyǵy komıtetiniń málimetinshe, 2021 jyldyń sońyna deıin elimizdiń ár aımaǵynda 300-ge jýyq baıqaý jarııalanyp, ótkiziledi.

Prezıdent Q. Toqaev óz joldaýynda jer qoınaýyna baılanysty jasyryn sheshimder qabyldanbaýyn tapsyrǵan bolatyn.

«Paıdaly qazbalar – ulttyq baılyq. Jasyryn talqylaý arqyly olarǵa qol jetkizý týraly sheshimder zańsyz bolýy kerek», - dedi Prezıdent óziniń 1 qyrkúıektegi joldaýynda. Alaıda, eger 2020 jyldan bastap munaı men gaz ken oryndarynda óndirý quqyǵyn satý onlaın rejıminde júrgizilse, ıaǵnı ashyq túrde, al qatty paıdaly qazbalar boıynsha konkýrstar áli de dástúrli túrde ótkiziledi. Nege memlekettiń paıdaly qazbalarǵa qatysty saıasaty sonshalyqty erekshelenedi?

Sarapshynyń aıtýynsha, Qazaqstannyń barlyq tabıǵı resýrstarynyń saýdasy memlekettik menshik retinde memlekettik múlik reestriniń portalynda júrgizilýi tıis. Sonymen qatar, aýktsıon týraly aqparatqa qol jetimdilik ashyq bolýy kerek. Sonymen qatar, aýktsıon kezinde oınalatyn obektiler týraly aqparat.

«Prezıdent óz sózinde: «Investorlardyń joǵary sapaly geologııalyq aqparatqa qoljetimdiligin keńeıtý qajet»,- dep naqty aıtty. Baıypty ınvestor bul málimetterge súıene otyryp sheshim qabyldamaıdy. Potentsıaldy ınvestor kóp ýaqyt joǵaltady jáne úlken táýekelge barady», - dep atap kórsetedi sarapshy.

Baıandamashy salmaqty dálel retinde Qazaqstan Respýblıkasynyń Energetıka mınıstrligimen kómirsýtekterdi barlaý men óndirý quqyǵyn satý boıynsha saýda tájirıbesin keltiredi. 1 jyl ishinde 13 elektrondy aýktsıon bıýdjetke 11 mıllıard teńgege jýyq tabys ákeldi.

Sarapshy osy saladaǵy memlekettik saıasattyń negizgi talaptaryn aıtqan Memleket basshysynyń sózderinen keıin onlaın saýdaǵa kóshý aıtarlyqtaı tezdetiledi dep úmittenedi.