Sý qoımalaryna sýdyń kelý kólemin boljaıtyn aqparattyq júıe engizilip jatyr

ASTANA. KAZINFORM – Elimizde sý qoımalaryna sýdyń kelý kólemin boljaıtyn Talsim aqparattyq júıesi qoldanysqa engizilip jatyr. Bul týraly QR Sý resýrstary jáne ırrıgatsııa mınıstri Nurjan Nurjigitov aıtty.

— Bıylǵy jyly sý tasqyny jaǵdaıyn boljaý sapasyn arttyrýǵa erekshe kóńil bólindi. Alǵash ret «Tasqyn» júıesi paıdalanyldy. Qazirgi ýaqytta júıege kún saıyn «Qazsýshar» Respýblıkalyq memlekettik kásiporyn retteıtin 86 sý qoımasy jumys rejımi boıynsha aqparat engiziledi. 75 ózenniń sandyq gıdrografy ázirlendi, onda «Qazgıdromet» Respýblıkalyq memlekettik kásiporynnyń derekteri men GloFAS jahandyq sý tasqyny týraly eskertý júıesi negizinde naqty jáne boljamdy sý deńgeıi men aǵyny kórsetilgen, — dedi Nurjan Nurjigitov.

Sondaı-aq mınıstr sýdyń kelý kólemin boljaýǵa arnalǵan aqparattyq júıe iske qosylyp jatqanyn aıtty. 

— Mınıstrlik pen Birikken Ulttar Uıymynyń Damý Baǵdarlamasymen (PROON) birlesip, sý qoımalaryna sýdyń kelý kólemin boljaýǵa arnalǵan Talsim aqparattyq júıesin beıimdep engizýip jatyr. Qazirgi ýaqytta Esil jáne Nura ózenderine arnalǵan gıdrologııalyq model beıimdelip úlgerdi, — dedi vedomstvo basshysy.