Sý kóliginde jemqorlyqpen kúres máseleleri qaraldy-KKM
ASTANA. 26 qyrkúıek. QazAqparat. 2011 jylǵy 23 qyrkúıekte QR Kólik jáne kommýnıkatsııa mınıstrliginde «Nur Otan» HDP, memlekettik organdardyń, keme ıeleri qaýymdastyǵy jáne teńiz kóligi kásipkerleri ókilderiniń qatysýymen Sý kóliginde jemqorlyqpen kúres jónindegi keńestiń kezekti otyrysy ótti, dep habarlaıdy baspasóz qyzmeti.
Bul otyrystyń maqsaty - sý kóliginde jemqorlyq quqyq buzýshylyqtyń aldyn alý, profılaktıka jáne joıý. Osy problemany sheshý úshin memlekettik qyzmet kórsetý kezinde «adam faktorlarynyń» áser etýin tómendetý jumystary júrgizilýde. Memlekettik qyzmet kórsetý kezinde azamattarmen tikeleı baılanysty joıý «bir tereze» qaǵıdasyn engizý jáne avtomattandyrýǵa kóshý jolymen iske asyrylýda.
Sý kóligi salasyndaǵy sýbektilerge tekserý júrgizýdi jetildirý maqsatynda Mınıstrlikpen Táýekeldi baǵalaý júıesi engizildi. Táýekel deńgeıine baılanysty barlyq baqylaýdaǵy sýbektiler: joǵary, ortasha nemese bolar - bolmas táýekeldiń birine jatqyzylǵan. Osyǵan baılanysty táýekel deńgeıin baǵalaý krıterııleri, vedomstvolyq statıstıkalyq esep jáne tekserý paraǵynyń nysany ázirlendi.
Ruqsat berý júıesin jetildirý jóninde jumys júrgizilýde. Tek sý kóliginde 16 ruqsat etýshi qujattyń 8-in qysqartý josparlanýda. Onyń ishinde 6-y tolyqtaı qysqartylady jáne 2-i habarlama tártibine aýystyrylady.
Aǵymdaǵy jyly Qazaqstan Respýblıkasynyń «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» Zańyn iske asyrýda sý kóliginiń qaýipsiz paıdalanylýyn retteıtin 14 zańǵa sáıkes normatıvtik-quqyqtyq aktiler qabyldandy. Kórsetilgen aktilerde jemqorlyq quqyq buzýshylyqqa arnalǵan alǵy shartty týǵyzatyn «eki túrli túsindirý» jáne basqa da sátter joıylǵan.
Keńes otyrysynda teńiz kóligindegi ruqsat etýshi qujattardy berý bóliginde normatıvtik quqyqtyq aktilerdi jetildirý qajettigi týraly sheshim qabyldandy.
