Sý qaınatqyshty jutyp qoıdy
ASTANA. QazAqparat - Krasnoıarsk klınıkalyq aýrýhanasynyń dárigerleri sý qaınatqyshty jutqan adamdy qutqardy.
Aýrýhananyń baspasóz qyzmetinen habarlaǵandaı, bul adamdy 18 jeltoqsanda sanıtarlyq avıatsııa brıgadasy aýrýhanaǵa jetkizgen. Dárigerler onyń óńeshinde iri zattyń turyp qalǵanyn ańǵarǵan. Ony almaǵan jaǵdaıda naýqastyń ajal qushýy yqtımal edi.
Rentgen zertteýleri naýqastyń óńeshinde sý qaınatqysh turyp qalǵanyn kórsetken. Ádette óńeshtiń dıametri qalypty jaǵdaıda 2-3 santımetr bolsa, sý qaınatqysh ony 4-5 esege sozǵan. Ony alyp shyǵý qıynǵa soqty.
LOR-dárigerlerdiń kómegimen bul zat regıdti ezofagoskopııa ádisimen alyndy. Oǵan 20 mınýttaı ýaqyt ketti. Sol kúni-aq naýqas tamaqtana aldy, al kelesi táýlikte aýrýhanadan shyǵaryldy.
Naýqas sý qaınatqyshty abaısyzdan jutyp qoıǵanyn alǵa tartqan.
