Sý dobynyń úzdikteri anyqtaldy
ASTANA. QazAqparat - Atyraý qalasynda Táýelsizdik merekesine oraı, 16-20 jeltoqsan aralyǵynda Sý dobynan jasóspirimder arasyndaǵy Qazaqstan Respýblıkasy chempıonaty máresine jetti, dep habarlaıdy QazAqparat tilshisi.
Bes kúnge sozylǵan jasóspirimder básekesinde jeti komanda synǵa tústi. Úsh kezeń boıynsha komandalardyń upaılary eseptelip, jeńimpazdar jınalǵan upaı sany boıynsha anyqtaldy. Chempıonattyń sońǵy kúni Qyzylorda quramasy oraldyqtardy 15:1 esebimen utyp, Qazaqstan chempıony atandy. Ekinshi oryn úshin talasta Atyraý komandasy Astana qalasynan barǵan qarsylastaryn 11:10 esebimen jeńip ketti.
Oıyn barysynda Almýsın Janbolat (Taraz), Kenjebaı Sáttibek (Atyraý), Raıymberdi Ernar (Atyraý), Kashlıakov Vladıslav (Qaraǵandy), Jumabaı Ǵanı (Atyraý), Artıýh Danıl (Oral), Baqtybaı Nartaı (Astana), Kýlıbaev Bekzat (Astana) qatarly sportshylar úzdik oıynshy dep tanyldy. Endi osy úzdik shyqqan oıynshylar aldaǵy ýaqytta ulttyq qurama qataryna kirip, el namysyn qorǵaıtyn bolady.
