Sý dobynan QR quramasy álemdik lıga aıasynda jeńiske jetti
NUR-SULTAN. QazAqparat - Avstralııanyń Pert qalasynda sý dobynan ótip jatqan Interkontınentaldy týrnırde Qazaqstan erler quramasy jartylaı fınalǵa ótti, dep habarlaıdy QazAqparat.
QR Ulttyq Olımpıadalyq komıtetiniń aqparatyna sáıkes, shırek fınalda qazaqstandyqtar Ońtústik Afrıka Respýblıkasynyń quramasyn 14:8 esebimen jeńdi.
Erteń ótetin jartylaı fınal matchynda Qazaqstan men Japonııa quramalary kezdesedi.
Eske sala keteıik, Azııa oıyndarynyń fınalynda Qazaqstan Japonııany bir dop aıyrmasymen jeńip, chempıon atanǵan bolatyn.
