Sý dobynan QR quramasy álemdik erler lıgasynyń sýperfınalynda oınaıdy
TBILISI. QazAqparat - Búgin, 26 maýsymda Grýzııa astanasy Tbılısıde sý dobynan erler álemdik lıgasynyń sýperfınaly ótedi. Týrnırge Qazaqstan komandasy da qatysady, dep habarlaıdy QazAqparat.
QR Ulttyq Olımpıada komıtetinen málim etkendeı, qazaqstandyq sý dobynyń sheberleri Japonııa, Grýzııa jáne Italııa komandalarymen birge A tobyna tústi.
V tobyna Chernogorııa, AQSh, Gretsııa jáne Frantsııa komandalary engen.
Birinshi oıynda Qazaqstan quramasy Italııa komandasymen kezdesedi. Oıyn Nur-Sultan ýaqytymen 22:00-de bastalady.
