Sý dobynan Qazaqstannyń erler quramasy 2012 jylǵy Azııa chempıondary atandy
ASTANA. 27 qańtar. QazAqparat - Sý dobynan Qazaqstannyń erler quramasy 2012 jylǵy Azııa chempıonatynda jeńiske jetip, London Olımpıadasyna arnalǵan jalǵyz joldamany qanjyǵaǵa saldy.
Birinshilik aıasyndaǵy sońǵy matchty Qazaqstan quramasy Kýveıt vaterpolshylarymen kezdesip, qarsylastaryn 10:5 esebimen jeńdi. Osylaısha olar barlyq kezdesýlerin jeńilissiz ótkizip, Azııa qurlyǵynyń eń myqty ulttyq quramasy atandy. Ekinshi jáne úshinshi oryndar kimge buıyratynyn búgin Qytaı men Japonııa arasyndaǵy matchta biletin bolamyz.
Buǵan deıin qazaqstandyqtar basty qarsylastary - Qytaı sportshylarynan 8:7, jarys qojaıyndary - Japonııadan 6:4 esebimen basym túsken edi.
