Sý dobynan Qazaqstan quramasy álemdik lıganyń shırek fınalyna shyqty
NUR-SULTAN. QazAqparat – Sý dobynan Qazaqstannyń áıelder quramasy álemdik lıganyń sýperfınalynda qatarynan úsh oıynda jeńilis tapty, dep habarlaıdy QazAqparat Sports.kz saıtyna silteme jasap.
Qazaqstandyq vaterpolshylar Gretsııa komandasynan 11:25 upaımen jeńilip qaldy. Buǵan deıin olar AQSh (2:20) pen Ispanııa (11:20) komandalarynan jeńilgen . Áıtse de, týrnır reglamenti boıynsha, A jáne B toptaryndaǵy komandalar avtomatty túrde ¼ fınalǵa joldama alady.
Qazaqstan quramasynyń shırek fınalǵa sońǵy, tórtinshi orynda shyqqanyna qaramastan, onda oǵan qatarynan úsh ret jeńgen A tobynyń kóshbasshysy – Kanadamen oınaý kerek. Match búgin bolmaq. Shırek fınaldaǵy basqa juptar mynadaı: Reseı – Gretsııa, Japonııa – AQSh, Vengrııa – Ispanııa.
