Sý dobynan Azııa chempıonatynda qazaqstandyqtar qola júlde aldy
ASTANA. QazAqparat - Sý dobynan Azııa chempıonatynda Qazaqstan erler jáne áıelder quramalary qola júldeger atandy, dep habarlaıdy QazAqparat tilshisi.
Taılandtyń Samýtprakan qalasynda ótken qurlyqtyq dodada elimizdiń erler quramasy búgin, 14 qarashada 3-oryn úshin kezdesýde Irannan 8:5 esebimen basym tústi.
Toptyq kezeńde A tobynda synǵa túsken el quramasy Ońtústik Koreıany 6:5, Taılandty 15:4, Úndistandy 17:4 esebimen jeńse, Iranǵa 10:11 esebimen ese jiberdi.
Shırek fınalda Sıngapýrdy 18:8 esebimen qapy qaldyrsa, jartylaı fınalda Japonııaǵa 4:20 esebimen jol berdi.
Elimizdiń erler quramasy Azııa chempıonatynda 2012 jyly chempıon atansa, 2009 jyly kúmis, 2015 jyly qola medal aldy.
Al elimizdiń áıelder quramasy 3-oryn úshin oıynda Taılandty 14:5 esebimen tize búktirdi.
Olar toptyq kezeńde Sıngapýrdan 18:9, Ońtústik Koreıadan 25:5, Taılandtan 15:6 esebimen basym túsip, Japonııaǵa 13:23, Qytaıǵa 5:16 esebimen jeńildi. Jartylaı fınalda Japonııaǵa 12:16 esebimen jol berdi.
Foto: olympic.kz
