Sý dobynan Azııa chempıonatyn qazaqstandyqtar sátti bastady

ASTANA. QazAqparat - Sý dobynan Azııa chempıonatynda elimizdiń erler jáne áıelder quramasy alǵashqy oıyndaryn sátti ótkizdi, dp habarlaıdy QazAqparat tilshisi.

Azııa chempıonaty Taılandtyń Samýtprakan qalasynda ótýde.

Qazaqstan erler quramasy birinshi kezdesýinde Taılandty 15:4 esebimen tize búktirdi. Endi olar búgin, 9 qarashada - Úndistan, 10 qarashada - Iran jáne 11 qarashada Ońtústik Koreıamen sheberlik baıqasady.

Elimizdiń erler quramasy Azııa chempıonatynda 2012 jyly chempıon atansa, 2009 jyly kúmis, 2015 jyly qola medal aldy.

Qurlyqtyq dodada elimizdiń áıelder quramasy birinshi kezdesýinde Ońtústik Koreıadan 25:5 esebimen basym tústi. Olar búgin, 9 qarashada - Qytaı, 10 qarashada - Sıngapýr, 11 qarashada - Japonııa, 12 qarashada Taılandpen kezdesedi.

Qurlyqtyq doda 14 qarashada máresine jetedi.

Bul Japonııanyń Fýkýoke qalasynda 2023 jyldyń 14-30 shilde aralyǵynda ótkiziletin álem chempıonatyna irikteý satysy bolmaq.

Eske salsaq, bıyl sý dobynan álem chempıonatynda elimizdiń áıelder quramasy 11-oryn aldy.

Foto: catherineasquithgallery.com