Sý dobynan Azııa chempıonaty: Qazaqstandyqtar qola júldege talasady
ASTANA. QazAqparat - Sý dobynan Azııa chempıonatynda Qazaqstan erler jáne áıelder quramalary qola júldege talasady, dep habarlaıdy QazAqparat tilshisi.
Taılandtyń Samýtprakan qalasynda ótip jatqan qurlyqtyq dodada búgin jartylaı fınalda elimizdiń erler quramasy Japonııaǵa 4:20 esebimen jeńildi. Áıelder quramasy da Japonııaǵa 12:16 esebimen jol berdi.
Endi eki qurama da 3-oryn úshin saıysqa túsedi. 14 qarashada erler quramasy Iran, áıelder quramasy Taılandpen oınaıdy.
Toptyq kezeńde A tobynda synǵa túsken qazaqstandyq Ońtústik Koreıany 6:5, Taılandty 15:4, Úndistandy 17:4 esebimen jeńse, Iranǵa 10:11 esebimen ese jiberdi. Shırek fınalda Sıngapýrdy 18:8 esebimen qapy qaldyrdy.
Al, áıelder quramasy toptyq kezeńde Sıngapýrdan 18:9, Ońtústik Koreıadan 25:5, Taılandtan 15:6 esebimen basym túsip, Japonııaǵa 13:23, Qytaıǵa 5:16 esebimen jeńildi.
